Rusiya “Sirius” zərbə PUA-larının istehsalına hazırlaşır

Şirkətin baş direktoru Sergey Boqatikov qeyd edib ki, istehsal prosesi üçün lazım olan sənədlər hazırlanıb.

“Sirius” PUA-ları peyklə idarə olunur və insanlı təyyarələrlə qarşılıqlı əlaqə qurma qabiliyyətinə malikdir. Bundan əlavə, “Sirius” iki mühərriklə təchiz olunub, daha uzun məsafəyə uça və daha böyük yük daşıya bilir.

Orta əməliyyat hündürlüyünə, uzun uçuş müddətinə malik (MALE) PUA sinfinə aid olan “Sirius” struktur olaraq nazik gövdəyə, böyük düz qanadlara və V şəkilli quyruğa malikdir.

Xatırladaq ki, “Kronstadt” şirkəti Moskva yaxınlığında böyük ölçülü PUA-ların istehsalı üçün zavod tikir, müəssisənin açılışı bu ilin noyabr ayına planlaşdırılır.

Taktiki-Texniki Xüsusiyyətləri:

Qanadlarının uzunluğu: 23 m
Uzunluğu: 9 m
Maksimum uçuş çəkisi - 2-2,5 ton (ilkin), bunun 1 tonu yanacaqdır
Faydalı yük: 450 kq
Uçuş hündürlüyü: 7 min metr:
Kreyser sürəti:180 km/saat.