ABŞ insansız mina detektorunu sınaqdan keçirib

MK-18 adlanan insansız sistemlər dənizdə yerləşdirilmiş sualtı minaları aşkar etməyi bacarıb.

İnsansız vasitənin “USS Arlington” amfibiya gəmisindən buraxıldığı bildirilir.

2019-cu ilin sentyabr ayında ABŞ donanması Mk 18 “Swordfish” və Mk 18 “Kingfish” adlı insansız sualtı platformalarının hidrografik tədqiqatlar və əməliyyat mühitinin kəşfiyyat hazırlığı üçün soyuq suda sınaqlarını keçirmişdi.

"Swordfish" 150 kiloqramlıq kiçik insansız sualtı platformadır. Mina təmizləmədən əlavə axtarış, xəritəçəkmə, eyniləşdirmə kimi bir çox vəzifələrdə istifadə edilə nilər. Uzun və ya ultra qısa əsaslı rejimdə GPS vasitəsilə anaviqasiya edə bilir.

"Kingfish" platformalarının çəkisi 600 kiloqramdır. Sualtı təhdidləri aşkar etmək üçün istifadə edilir.