IDEF-2021: 150 kiloqram yük daşıya bilən “Kargo-150” PUA-ları

  IDEF-2021:  150 kiloqram yük daşıya bilən “Kargo-150” PUA-ları
526     11:24     18 08 2021    
Türkiyənin “Dasal” şirkəti İstanbul şəhərində keçirilən IDEF-2021 müdafiə sənayesi sərgisində “Kargo-150” adlı PUA-larını təqdim edib.

Platforma 150 kiloqram yükü 50 dəqiqəyə daşıya və saatda 100 kilometrə qədər sürətlə hərəkət edə bilər.

2019-cu ildə ASELSAN və “Altınay” şirkətlərinin törəməsi olaraq qurulan “Dasal” tərəfindən hazırlanmış PUA silahları, döyüş sursatlarını, yanacağı, ilkin tibbi yardım vasitələrini, ehtiyatları cəbhəyə tez və etibarlı şəkildə sürətli, səmərəli və səssizcə nəql edə bilər.

“Kargo-150” quru-dəniz, dəniz-dəniz missiyaları üçün ideal platforma olması ilə yanaşı, logistika dəstəyi ilə seçilir.

Uçuş testlərində müvəffəqiyyətli bir performans göstərən platforma 8 rotorlu dizaynı sayəsində bəzi pərləri zədələnsə də uçuşunu davam etdirə biləcək. Qeyd olunan xüsusiyyət tək rotorlu sistemlərə qarşı da ciddi üstünlük təmin edir.

Faydalı yükü ilə birlikdə 730 kiloqram ümumi uçuş ağırlığına sahib olan "Kargo-150" yüklərini 40 kilometr uzaqlıqdakı məntəqəyə daşıya və geri dönə bilir.
Strategyvision.org
Oxşar məqalələr
Son əlavə olunanlar