Türkiyənin ilk pilotsuz helikopteri nümayiş olundu- ALPiN

Şirkət helikopterin avtonom uçuş həyata keçirə bildiyini vurğulayır.

“ALPiN” insan itkisi riski olmadan yüksək riskli münaqişə mühitlərinə daxil olma qabiliyyəti ilə fərqlənir.

Əvvələr 2 insan daşıya bilən helikopterin idarəetmə mexanizmləri və interfeysləri dəyişdirilərək avtomatlaşdırılıb, inkişaf etmiş avtopilot sistemi ilə təmin edilib.

Şirkət bildirir ki, tək bir toxunuşla şaquli enmə/qalxma qabiliyyətinə malik, təyin olunmuş vəzifələri tam avtonom yerinə yetirə bilən və 160 kq yük daşıya bilən “ALPiN” Türkiyədə ilk pilotsuz helikopteridir.

Pilotsuz helikopterin bir sıra xüsusiyyətləri:

- İstifadəçi dostu interfeysi ilə istifadə rahatlığı
- Sürət, yüksəklik kimi uçuş xüsusiyyətlərini təyin etmək imkanı.
- Havadan lazerlə işarələmə;
- İnfraqırmızı kamera ilə gündüz və gecə görüntüləmə;
- Elektro-optik və infraqırmızı kameralarla çəkilən şəkillərin yerüstü idarəetmə stansiyasına şifrəli şəkildə ötürülmə;
- Şifrəli məlumat ötürmə infrastrukturu;
- Modul avionik arxitektura ilə əlavə sistemlərin asan inteqrasiyası;
- Mühhərik nasazlığı olarsa təcili enmə.

Şirkət bildirir ki, “ALPiN” hərbi sahədə təhlükəsizliyi təmin etmək üçün uzaq məsafədən avtonom hədəfləri aşkar edə, tanıya və izləyə bilər.