“Kargu” kamikadze PUA-ları təkmilləşdirilir - Növbəti radiasiya əleyhinə başlıqlardır

İnteqrasiya edildiyi paltformalara qənaətcil radioelektron mübarizə qabiliyyəti qazandıran faydalı yük yerli və daxili sahədə özünü uğurla sübut etmiş “Kargu” kamikadze PUA platforması ilə birlikdə işləyə biləcək. Tək bir əsgərin daşıya biləcəyi və gözlə görülə bilməyən hədəfləri aşkar edib məhv etmək qabiliyyətinə malik olan “Kargu” beləliklə faydatlı yükün radisiya əleyhinə, şüa ilə yönləndirmə, evə dönüş, işarələmə xüsusiyyətlərindən istifadə edə biləcək.


Mini, mikro və ya kiçik sinifdə yer alan PUA platformalarına quraşdırılacaq dost və düşmən sistemlərinə aid radiasiya emissiyalarını aşkar edə və izləyə bilən passiv genişzolaqlı sensor avtomatik hədəf seçmə qabiliyyəti ilə stabil və ya hərəkət edən hədəfləri və radioelekton mübarizə vasitələrini istiqamətləndirə bilir. Hərəkətli hissələri olmayan yüngül dizaynı olan radar axtaran başlıq aşağı güc sərfiyyatı və avtomatik qazanc idarəetməsi xüsusiyyətlərinə malikdir.

KARGU və radiasiya əleyhinə qabiliyyət

Açıq mənbələrin məlumatına görə, “Kargu” 5 kilometr mənzili olan kamikadze PUA-sıdır. Lakin bu rəqəm PUA-nın uça biləcəyi məsafəni deyil, datalink vasitəsi ilə məlumat ötürə biləcəyi məsafəni göstərir.

“Kargu”nun “atdım-unutdum” şəklində 30 km qədər mənzilə çata biləcəyi bildirilir. “Kargu” kimi 0,78 metr uzunluğa malik çox kiçik ölçülü PUA-ları bu gün istifadə edilən əksər radarlar tərəfindən aşkar etmək çox çətindir. Onun çox asanlıqla daşınaraq müxtəlif bölgələrdən düşmənin Hava Hücumundan Müdafiə (HHM) radarlarına qarşı istifadə edilməsi mümkün ola bilər.

Standart “Kargu” PUA-sı 1,3 kq kimi kiçik döyüş başlığı daşıyır. Radiasiya axtaran başlıqla birlikdə nə qədər döyüş başlığının daşıya biləcəyi məlum deyil.

Lakin bu səviyyədəki döyüş başlığı böyük təsir yaratmasa da, radar kimi “yumşaq” hədəflərə qarşı təsirli ola biləcəyi qeyd oluna bilər. Xüsusilə yaxın keçmişdə Liviya kimi bölgələrdə xüsusi təyinatlılar tərəfindən mobil HHM sistemlərinin belə rahat daşınabilən kamikadze PUA ilə məhv edilməsi bu sahədə əhəmiyyətli üstünlüklər təmin edəcək.

Radar axtaran başlığın Taktiki-Texniki Xüsusiyyətləri

V/UHF tezlik məsafəsi
4 Kanal sayı
- 110 dBm həssaslıq
Monitorinq qabiliyyəti
Avtomatik Qazanc İdarəetməsi
60 dB SFDR
GVD əsaslı proqramlaşdırma
Avtomatik Hədəf Seçmə
Havada istifadəçi dəstəkli hədəf seçimi
Sabit qanadlı və ya fırlanan qanadlı platformalarda istifadə

Təksensorlu, çoxistifadəli

STM-in radar axtaran faydalı yükü inteqrasiya olunduğu platformalara qənaətli radioelektron mübarizə imkanları qazandırır.

Radiasiya əleyhinə rejim

• Düşmən radiasiya emissiyalarının aşkarlanması və izlənməsi
• Düşmən radiasiya emissiyalarına dair təlimat


“Beam Riding” (şüa ilə yönləndirmə) rejimi

• Dost radiasiya emissiyalarının aşkarlanması və izlənməsi
• Dost radiasiya emissiyalarının mənbəyinin şüası ilə idarə edilməsi
• Düşmən ərazisindən edilən müdaxiləyə qarşı üstünlük


“Beam Riding” - Evə qayıtma

• Dost radiasiya emissiyalarının aşkarlanması və izlənməsi
• Dost radiasiya emissiyalarının mənbəyinin şüası üzərində təhlükəsiz sahəyə bələdçilik


Radiasiya işarələmə rejimi

• Düşmən elementinin işarələnməsi
• Düşmən elementindən əks olunan radiasiya emissiyalarının təsbiti və izlənməsi
• Əks olunan dost radiasiya emissiyalarının idarə edilməsi