“Taliban” ABŞ istehsalı olan “ScanEagle 2” PUA-sını ələ keçirib

“Taliban” ABŞ istehsalı olan “ScanEagle 2” PUA-sını ələ keçirib
480     10:57     13 08 2021    
Əfqanıstanda “Taliban” qiyamçıları ilə hökumət qüvvələri arasında şiddətli döyüşlər davam edir.

Qiyamçılar hökumət qüvvələrinin tərk etdikləri ərazidən yüzlərlə zirehli maşınlar, pikaplar və müxtəlif silahlar ələ keçirib.

Qiyamçıların təqdim etdiyi görüntülərdə Əfqanıstan ordusunun ABŞ istehsalı “ScanEagle 2” PUA-sını qoyub getdikləri görünür.

Vaşinqtonda yerləşən “Boeing” şirkətinin törəməsi olan “İnsitu” tərəfindən istehsal edilən “Scan Eagle 2” Kunduz vilayətində ələ keçirilib.

Gecə-gündüz davamlı kəşfiyyat, müşahidə və nəzarət üçün nəzərdə tutulan PUA-lar 2002-ci ilin fevral ayında başlayan 15 aylıq müqavilə əsasında istehsal edilib.

Təxminən 3 milyon dollar dəyərində olan “Scan Eagle 2” 24 saatdan çox uçuş müddətinə malikdir və aşağı hündürlükdə uçaraq müşahidə əməliyyatları apara bilir.

Taktiki-Texniki Xüsusiyyətləri

Uçuş müddəti: 24 saatdan çox
Əməliyyat hündürlüyü: 5950 metr
Maksimum sürət: 41 m/s
Qanadların genişliyi: 3.11 m
Uzunluq:1-5.6 ft/1.55-1.71 m
Çəkisi: 14-18 kq
Maksimum uçuş çəkisi: 22 kq
Strategyvision.org
Oxşar məqalələr
Son əlavə olunanlar