BƏƏ döyüş robotlarını Ukraynaya tədarük etmək istəyir

BƏƏ döyüş robotlarını Ukraynaya tədarük etmək istəyir
327     16:10     10 08 2021    
Birləşmiş Ərəb Əmirliklərinin (BƏƏ) “Milanion Group” və Ukraynanın “Ukrainian Armor” (Українська Броня) şirkətləri arasında döyüş robotları ilə bağlı müqavilə imzalanıb.

Müqavilə “Agema” adlı robotların Ukraynaya tədarükünü və orada yığılmasını nəzərdə tutur.

Şirkət 15-18 iyun tarixlərində Kiyevdə keçirilən Silah və Təhlükəsizlik sərgisində robot vasitəsini nümayiş etdirib.

“Agema” milli və mülki müdafiə və təhlükəsizlik də daxil olmaqla bir çox missiyanı dəstəkləmək üçün hazırlanıb. Platforma tank əleyhinə mübarizə, yanğın və xilasetmə, kəşfiyyat, müşahidə, nəzarət, atəş dəstəyi kimi bir çox funksiyanı icra edə bilər.

Amfibiya qabiliyyətinə malik robotlar radioelekton mübarizə vasitələri ilə də təchiz edilib.

Robotlar fırlanan və sabit qanadlı təyyarələrlə sürətlə yerləşdirilə bilər və statik yerüstü və mobil qurğuları dəstəkləyə bilər. Quru vasitələri "gəzən sursatlar"la da təchiz edilə bilər.

Robotlar 6x6 və 8x8 təkər formuluna malik iki konfiqurasiyada istehsal edilir.

Taktiki-Texniki Xüsusiyyətləri: (6x6 konfiqurasiyası)

Çəkisi: 442 kiloqram
Yükgötürmə qabiliyyəti: quruda 258 kiloqram, suda 168 kiloqram
Sürət: quruda 35 km/saat, suda 5 km/saat
Mühərrik: 23 at gücü
Strategyvision.org
Oxşar məqalələr
Son əlavə olunanlar