“Aksungur” PUA-ları 1000 saatdır səmadadır

PUA-ların ümumi uçuş müddəti 1000 saatı keçib.

“Anka” platformasına əsaslanaraq 18 ay ərzində qısa müddətdə inkişaf etdirilən “Aksungur” PUA-ları fasiləsiz çoxfunksiyalı kəşfiyyat, müşahidə, nəzarət və hücum missiyaları yerinə yetirmək qabiliyyətinə malikdir.

2019-cu ildə ilk uçuşunu həyata keçirən “Aksungur” PUA-ları 3 fərqli elektro-optik/infraqırmızı kameralarla, 2 fərqli peyk rabitə terminalı, ağır raketlər daşıyır.

2021-ci ilin ikinci rübündə ilk sahə missiyasına başlayan “Aksungur” 1000 uçuş saatını geridə qoyub.

Adını yırtıcı quş növü olan ağ süngürdən götürən model orta hündürlükdə uzun müddətli (MALE) pilotsuz uçuş aparatı sinifinə aiddir. Bu PUA Türkiyə Silahlı Qüvvələrinin taktiki kəşfiyyat missiyaları üçün hazırlanaraq istehsal edilib. "Aksungur" ikiqat təkan konfiqurasiyasında hazırlanıb və iki ədəd turbo mühərrikə malikdir.

PUA-nın inkişafı 18 ay çəkib. Korpus, qanad və eniş qurğuları yenidən dizayn edilsə də, idarəetmə sistemləri mövcud "Anka" ailəsi ilə ortaqdır. Proqram üçün mövcud mühərrikdən istifadə edilərək gövdənin ilk uçuş sınaqları ilə yanaşı yeni bir turbo dizel mühərriki də hazırlandı. Sınaq məqsədləri üçün iki prototip istehsal edilib. Avtomatik uçuş və enmə imkanlarını göstərən ilk uçuşu 20 mart 2019-cu ildə reallaşdı və dörd saat iyirmi dəqiqə davam etdi. Həmin il aprelin 3-də ikinci üç saatlıq sınaq uçuşu baş tutdu. 30 apreldə ilk dəfə "Aksungur" İstanbulda keçirilən Beynəlxalq Müdafiə Sənayesi Sərgisində (IDEF 2019 ) ictimaiyyətə təqdim edildi.

PUA-nın gövdə mərkəzi qanadlar altındadır. Avionika, kamera və sensor sistemləri burun hissədədir. Yanacaq korpus daxilindəki çənlərdə saxlanılır. Hər qanadın altında bir ədəd turbo mühərrik yerləşdirilib.

3 ayaqlı enmə qurğusu uçuş zamanı mühərrik bölməsinə və PUA-nın burnuna bağlanır. PUA TUSAŞ Motor Sanayii A.Ş. tərəfindən turbo konfiqurasiyasında hazırlanan və üç pərvanəli pərlə təchiz olunan iki ədəd PD-170 dizel mühərrikləri tərəfindən dəstəklənir.

İstehsalçının verdiyi məlumata görə, bu mühərriklər "Aksungur"un maksimum 180 km/saat sürətlə hərəkət etməsinə və maksimum 750 kq yükü 7600 m və ya 150 kq yükü 11000 m yüksəklikdə daşımasına imkan verir.

Texniki uçuş xüsusiyyətləri

Uzunluğu 12 m;
Hündürlüyü 3 m;
Qanad açılımı 24 m;