ABŞ Rusiya və Çinə qarşı “ruhlar ordusunu” canlandırmaq istəyir

“Popular Mechanics” nəşri qeyd edir ki, ABŞ Ordusu hazırda üç növ avtomatik döyüş sistemi üzərində işləyir. Onlar ölçüləri, texniki təchizatı və yerinə yetirilən vəzifələrə görə fərqlənəcəklər.

RCV-L adlanan robotlar (Robot Combat Vehicle-Light) təchizat və ağır silah daşıyan piyada və mühəndislər arasında fəaliyyət göstərəcək. RCV-M (Robotik Combat Vehicle-Medium) və RCV-H (Robotic Combat Vehicle-Heavy) əsas döyüş tankları və piyada döyüş maşınları ilə birlikdə işləyən daha böyük, daha ağır vasitələr olacaq.

RCV-L 2021-ci ilin aprelində sınaqdan keçirilib. Robot 2.5 kilometr uzaqdakı tankı və ya digəe zirehli texnikanı hədəf ala biləcək raketlərlə təchiz edilib. Robotun üzərində həm də havadan kəşfiyyat üçün kvadrakopter yerləşdiriləcək.

Üç robot platformasının ən böyüyü və ən güclüsü RCV-H-dır. Bu robotların zirehləri pulemyot atəşi və top qəlpələrinə qarşı davamlı olacaq. Platformaya JAGM kimi daha ağır tank əleyhinə raketlər quraşdıra bilər. RCV-H əksər hallarda M1 "Abrams" əsas döyüş tankları və M2 "Bradley" piyada döyüş maşınları ilə birlikdə döyüşəcək.

Məqalədə qeyd olunur ki, bu istiqamət xüsusilə vacibdir, çünki oxşar sistemlər Rusiya və Çində də hazırlanır. Müəllif bildirir ki, qoşunlarını lazımi sayda döyüş robotu ilə təmin edən ilk ölkə əhəmiyyətli üstünlük əldə edəcək.

Müəllif yeni inkişafları İkinci Dünya Müharibəsində General Pattonun “ruhlar ordusu” ilə müqayisə edir. Müharibə illərində “ruhlar ordusu”nun vəzifəsi düşməni yoldan çıxarmaq idi.