10 ölkə “Bayraktar TB2” almaq niyyətindədir

1090 10:43 05 08 2021

Türkiyənin PUA istehsalında önəmli şirkətlərindən olan “Baykar” şirkətinin texniki meneceri Selçuk Bayraktar universitetlərin birində “Bayraktar TB2” və “Bayraktar TB3” PUA-ları ilə bağlı önəmli açıqlamalar verib.

O, “Bayraktar TB3” zərbə PUA-larının gələn il ilk uçuşunu həyata keçirəcəyini bildirib.

1450 kq qalxma çəkisinə malik olan PUA yerli mühərriklə təchiz ediləcək.

Şirkət rəsmisi bildirib ki, 10-a yaxın ölkə “Bayraktar TB2” PUA-larını satın almaq istəyir. Hazırda onlarla danışıqlar aparılır.

Türkiyə mediasında yer alan məlumatlara görə, “Bayraktar TB3” PUA-ları təxminən 1200 kiloqram faydalı yük daşıya biləcək. TB3-ə 6 ədəd MAM-L və 2 ədəd MAM-C quraşdırılması planlaşdırılır. PUA-ların peyk rabitə kanalları ilə təchiz olunması da nəzərdə tutulub.

PUA-lar “Roketsan” tərəfindən hazırlanmış L-UMTAS tank əleyhinə idarolunan raketləri ilə təchiz ediləcək. PUA-larda milli mühərrikdən istifadə ediləcəyi qeyd olunur.

Strategyvision.org

Teq: Türkiyə Bayraktar

Oxşar məqalələr

Son əlavə olunanlar

Hamısı