Rusiya PUA-ları Yaponiya mühərrikləri ilə uçur

Rusiya PUA-ları Yaponiya mühərrikləri ilə uçur
482     14:48     04 08 2021    
Rusiya PUA istehsalında Yaponiya mühərriklərindən istifadə edir.

“Shukan Gendai” jurnalında dərc olunan məqalədə qeyd olunur ki, Rusiya da daxil olmaqla, bəzi ölkələr Yaponiyada istehsal olunan mühərrikləri və digər komponentləri zərbə PUA-larına quraşdırmaq üçün mülki məhsullar olaraq alırlar.

Məqalədə qeyd olunur ki, 2016-cı ildə Donbasda qəzaya uğramış Rusiya istehsalı “Orlan-10” kəşfiyyat PUA-sı diqqətlə araşdırılıb. Ekspertlər PUA-nın bütün komponentlərindən Rusiya Federasiyasında yalnız gövdə və radio siqnal qəbuledicisinin yaradıldığını təyin edib. Qalan hər şey müxtəlif ölkələrdən idxal olunub. PUA-ya quraşdırılan FG-40 mühərriki Yaponiya istehsalı idi.

Yapon şirkəti “Saito Seisakusho” tərəfindən istehsal edilən FG-40 mühərriki dünya bazarında çox populyar hesab olunur və ümumiyyətlə radio ilə idarə olunan təyyarə modellərinin istehsalında istifadə olunur. Bunlar Rusiya daxil olmaqla 24 ölkəyə tədarük olunur. Amma şirkətin müştəriləri arasında “Orlan-10” hərbi PUA-ları istehsal edən Rusiya Xüsusi Texnologiyalar Mərkəzi yoxdur.

“Orlan-10” PUA-larına malik kompleks, çətin ərazilərdə obyektlərə nəzarət etməyə imkan verir. Axtarış və xilasetmə əməliyyatları üçün istifadə edilə bilər. Pilotsuz vasitənin yüksək dayanıqlığı səbəbindən çətin hava şəraiti “Orlan-10” kompleksinin istifadəsinə mane olmur. “Orlan-10” PUA-sının hazırlanmasında modul tipli arxitekturadan istifadə edilib ki, bu da avadanlıqların tərkibini çox qısa zamanda dəyişdirməyə və sökülən PUA-nı nəql etməyə imkan verir.

Kompleks Rusiya ordusu tərəfindən 2012-ci ilin sonunda silahlanmaya qəbul edilib. Bu günə qədər ümumilikdə 200-dən çox “Orlan-10” istehsal edilərək qoşunlara təhvil verilib.

Taktiki-Texniki Xüsusiyyətləri

Qanad açılımı: 3.10 m;
Uzunluğu: 1.80 m;
Boş kütləsi: 12.50 kq;
Maksimum qalxma kütləsi: 18 kq;
Mühərrikin növü: daxili yanma;
Kreyser sürəti:100-150 km/saat;
Praktik uçuş məsafəsi: 600 km;
Fəaliyyət radiusu: 50-120 km;
Uçuş müddəti: 10-18 saat;
Praktik uçuş yüksəkliyi: 6000 m.
Strategyvision.org
Oxşar məqalələr
Son əlavə olunanlar