“Gölge Süvari”: Türkiyənin ilk ağır sinifə məxsus döyüş robotu (VİDEO)

Robotların 17-20 avqust tarixlərində baş tutacaq IDEF-21 sərgisində nümayiş etdirilməsi planlaşdırılır.

İnsansız quru platforması Türkiyənin zirehli quru platformalarının istehsalında ixtisaslaşan “FNSS Savunma” şirkəti tərəfindən istehsal edilib.

“Gölge Süvari” ilə Türkiyə ağır sinifə məxsus döyüş robotlarına sahib olan azsaylı ölkələr sırasına qoşulacaq.

PUA-larla birgə işləyə biləcək robotların süni zəkaya sahib olacağı bildirilir.

Yeni robotların Türkiyə ordusunun arsenalında olan M113 zirehli maşınlarının əsasında istehsal edildiyi bildirilir. “Gölge Süvari”nin 360 dərəcəlik avtomatik aşkarlama və bazaya qayıtma kimi avtonom qabiliyyətlərə malik olduğu vurğulanır.