PUA-lara qarşı lazer silahı yarışına İsrail və ABŞ birgə qoşulur

Bununla bağlı şirkətlər arasında əməkdaşlıq müqaviləsi imzalanıb. Yeni hazırlanacaq silahın detalları barədə məlumat verilməyib.

İsrail Müdafiə Nazirliyi bir müddətdir lazer texnologiyası üzərində işləyir və sistemin inkişafında raketlər və pilotsuz uçan vasitələr də daxil olmaqla müxtəlif hava təhdidlərinə qarşı mübarizə apara biləcək bir neçə inkişaf əldə edib.

Güclü lazerdən istifadə edərək hava təhdidlərinə qarşı mübarizə aparmaq bir çox üstünlüklərə malikdir. Hava şəraitində asılı olmayaraq işləyə bilən lazer sistemləri çox daha aşağı qiymətə yüksək hündürlükdə uçan hava təhdidlərini məhv edə bilər. Sistem, həmçinin daha geniş əraziləri müdafiə etmək qabiliyyətinə malikdir.

İsrail Müdafiə Nazirliyi iyun ayında mülki təyyarəyə quraşdırılmış güclü lazer sistemindən istifadə edərək bir sıra PUA-ları zərərsizləşdirdiyini açıqlayıb. Sınaqlar zamanı mülki “Cessna” təyyarəsinə quraşdırılmış yüksək enerjiyə malik lazer sistemi müxtəlif məsafələrdə və yüksəkliklərdə olan bir neçə PUA-nı məhv edib.

Lazer sistemi İsrailin mövcud və gələcək təhdidlərə qarşı hava hücumundan müdafiəsinin effektivliyini artıracaq və İsrailin “Dəmir Günbəz”, “David Sling” və “Arrow”u əhatə edən çoxqatlı HHM arxitekturasını tamamlayacaq.