Rusiya “Orion-E” PUA-larına idarə olunan raketlər inteqrasiya edir

“Vixr” raketləri Amerika istehsalı “Hellfire” raketləri ilə müqayisə olunur, çünki hər ikisi də oxşar zərbə məsafələrində idarə olunur. “Hellfire” raketləri MQ-9 “Reaper” kimi PUA-lardan atəş etməyə uyğunlaşdırılıb. Rusiya istehsalı raketlər 10 kilometr məsafədəki hədəfləri vura bilir, sürəti saniyədə 600 metrdən çoxdur.

“Orion” uzun müddət havada qala bilən, orta əməliyyat hündürlüyünə malik (MALE) PUA sinfinə məxsusdur. Zərbə versiyası həm sabit, həm də hərəkətdə olan hədəfləri vurmaq üçün nəzərdə tutulub. Hava vasitəsinin uçuş müddəti 24 saata yaxındır. PUA-nın maksimum havaya qalxma çəkisi 1150 kiloqram, maksimum uçuş hündürlüyü isə 7 kilometrdir. “Orion”un döyüş yükü 200 kiloqramdır.

"Orion-E" zərbə PUA-larının Taktiki-Texniki Xüsusiyyətləri:

Ölçüləri (uzunluğu, qanad genişliyi, hündürlüyü): 8 m, 16.3 m, 3.2 m
Maksimum qalxma çəkisi: 1000 kq
Faydalı yük (döyüş yükü): 200 kq,
Radiusu: 250 km
Uçuş müddəti: 24 saat (60 kq yüklə),
Mühərrik gücü (Rotax 914): 115 at gücü
Uçuş hündürlüyü: 7500 m
Sürəti: 120 km/saat