Fransa PUA əleyhinə lazer silahını gəmilərdə yoxlayacaq

“Helma-P” silah sistemi Fransanın “Compagnie Industrielle des Lasers” (CILAS) və “ArianeGroup” şirkətləri tərəfindən hazırlanıb və Fransa hökuməti tərəfindən maliyyələşdirilib.

PUA əleyhinə lazer silah sisteminin 2022-ci ildə Fransa Donanmasının gəmilərində sınaqdan keçirilməsi planlaşdırılır.

Sistemin qurudakı sınaqları 2020-ci ilin oktyabr ayında keçirilib. Fransız səlahiyyətlilərinin verdiyi məlumata görə, sistem 1 kilometrə qədər məsafədə uçan hədəfləri (2 kVt gücündə) zərərsizləşdirə bilər. Hər hava şəraitində 50 km/saat sürətlə uçan istənilən PUA-nı izləyə və məhv edə bilər.

Sistemin inkişafı təxminən iki il davam edib. 2017-ci ildə başlayan inkişaf fəaliyyətləri 2019-cu ildə sona çatıb və sistem 2020-ci ildə sınaqdan keçirilib. Şirkət rəsmiləri quru sınaqlarında yüksək müvəffəqiyyətlər əldə edildiyini və məqsədlərinin sistemi 2024-cü ildə Parisdə keçiriləcək Olimpiya Oyunlarına hazır vəziyyətə gətirmək olduğunu bildirirlər.

Sistemin quru və dəniz nəqliyyat vasitələrinə inteqrasiyası planlaşdırılır. Fransa Müdafiə naziri Florens Parli sistemin sınaqlarını şəxsən izlədiyini bildirib. Fransa sistemi yaxın illərdə FREMM freqatlarına inteqrasiya etməyi düşünür.

“Helma-P” Avropanın ilk PUA əleyhinə lazer sistemidir. ABŞ, Rusiya, BƏƏ, İsrail, Yaponiya və Türkiyə kimi bir çox ölkə lazer sistemlərinə fokuslanır. Lazer sistemləri ənənəvi müdafiə sistemləri ilə müqayisədə bir çox üstünlüklərə malikdir.