“Bayraktar TB3” PUA-ları mini aviadaşıyıcıda yerləşdiriləcək

1298 10:43 23 07 2021

Türkiyənin hazırda inşası davam edən “TCG Anadolu” çoxməqsədli amfibiya hücum gəmisində “Baykar Savunma” şirkəti tərəfindən hazırlanmış “Bayraktar TB3” tipli PUA-ların yerləşdirilməsi nəzərdə tutulur.

Şirkət sosial media hesablarında yayımlanan görüntülərdə MIUS insansız döyüş təyyarəsi ilə yanaşı, “Bayraktar TB3” PUA-larının da gəmiyə yerləşdirildiyi görünür.

Həm TB3, həm də MIUS “Anadolu” gəmisinə kabel və qarmaqların köməyi ilə katapult köməyi olmadan eniş edə biləcəklər.

Türkiyə mediasında yer alan məlumatlara görə, “Bayraktar TB3” PUA-ları təxminən 1200 kiloqram faydalı yük daşıya biləcək. TB3-ə 6 ədəd MAM-L və 2 ədəd MAM-C quraşdırılması planlaşdırılır. PUA-ların peyk rabitə kanalları ilə təchiz olunması da nəzərdə tutulub.

PUA-lar “Roketsan” tərəfindən hazırlanmış L-UMTAS tank əleyhinə idarolunan raketləri ilə təchiz ediləcək. PUA-larda milli mühərrikdən istifadə ediləcəyi qeyd olunur.

Strategyvision.org

Teq: Bayraktar TB3 Anadolu

Oxşar məqalələr

Son əlavə olunanlar

Hamısı