Fransa olimpiya oyunlarını kiçik PUA-lardan qorumaq üçün lazer sistemləri yaradır

Ölkənin cənub-qərbində Atlantik sahillərində sınaqdan keçirilən sistem 2020-cü ildə Parisdə keçirilməsi planlaşdırılan Yay Olimpiya Oyunları zamanı istifadə ediləcək.

Fransanın “Cilas” şirkəti tərəfindən dövlət vəsaiti ilə inkişaf etdirilən sistem hərbi bazaları və nüvə stansiyalarını, həmçinin böyük tədbirlərin təhlükəsizliyini kiçik PUA-lar qorumaq üçün nəzərdə tutulub.

Çərşənbə günü sınaqdan keçirilmiş prototip PUA-ları 3 km-ə qədər məsafədən aşkar edə, izləyə və 1 km yaxınlaşdıqda məhv edə bilər.

Nazirliyin bildirdiyinə görə lazer şüası QR kod oxuyucular tərəfindən istifadə edilən şüadan milyon dəfə daha güclüdür.

"Daim dəyişən təhlükə mühitinə uyğunlaşmalıyıq və PUA-ların radioelektron mübarizə vasitələri və ya HHM sistemləri ilə zərərsizləşdirilməsi qabiliyyətini artırmalıyıq", - deyə Fransanın Müdafiə Nazirliyi bildirib.

Nazirlik qeyd edib ki, bundan əvvəl PUA-lardan istifadənin artması fonunda lazer tipli silahların və digər PUA əleyhinə sistemlərin alınması və inkişafı üçün tender elan etmişdi.