Türkiyə sürü qabiliyyətini insansız dəniz və quru platformalarına da tətbiq edəcək

Bildirilir ki, iclasda avtonom sistemlərin istifadə olunacağı sahələr, sistemlərin son inkişafı, gələcəklə bağlı mümkün inkişaflar müzakirə edilib.

İclasda Türkiyənin artıq PUA-larda istifadə etdiyi sürü halında hərəkət etmək qabiliyyətinin insansız dəniz və quru platformalarına inteqrasiya edilməsi də müzakirə edilən mövzular arasında olub.

İclasda Türkiyə ordusunun isefada olan zabitləri, Türkiyə Müdafiə Sənayesi Komitəsinin ağıllı sistemlər üzrə rəsmi nümayəndəsi, STM şirkətinin rəsmiləri və digər şəxslər iştirak edib.

Müzakirə edilən mövzular arasında insansız sistemlər, sürü texnologiyası, insansız sistemlərdə kibertəhlükəsizlik, radioelekton mübarizə, avtonom sistemlər də olub.

İştirakçılar sürü qabiliyyətinin insansız dəniz və quru platformalarına inteqrasiya oluna biləcəyini qeyd ediblər.

Xatırladaq ki, STM şirkəti “Kargu” PUA-larının sürü halında işləyə biləcəyini qeyd edir.