HAVELSAN buludaltı sinfinə məxsus PUA-larını nümayiş etdirib - FOTO

PUA “Anadolu Qartalı-2021” təlimlərinin mətbuat və müşahidəçi günündə təqdim edilib. Təlimlərdə Türkiyənin Hərbi Hava və Dəniz Qüvvələrindən başqa Azərbaycan, Qətər, Pakistan və NATO ölkələrinin hərbi birləşmələri iştirak edir.

HAVELSAN simulyasiya texnologiyaları və kibertəhlükəsizlik proqramları üzrə fəaliyyətlərini davam etdirərkən bulud altında işləyən PUA üzərində də işləyir.


B30 adlandırılan avtonom PUA şaquli qalxma və enmə qabiliyyətinə malikdir. PUA-nın maksimum qalxma çəkisi 30, daşıdığı faydalı yüklərin çəkisi 5 kiloqramdır.

PUA-nın 4500 metrdən çox hündürlükdə uçma qabiliyyətinə malik olduğu bildirilir. PUA-nın yanacaqla işləyən versiyası 6, litium batereyaları ilə işləyən versiyası isə 2-2.5 saat havada qala bilər.

B30-un əsas xüsusiyyətləri:

- Şaquli qalxma və enmə;
- Digər insansız sistemlərlə qarşılıqlı əlaqə yaratmaq;
- Sürü halında tapşırıqlarını yerinə yetirmək bacarığı;
- Tamamilə avtonom missiya planlaşdırma və uçuş qabiliyyəti;
- Gecə-gündüz kəşfiyyat, nəzarət, müşahidə missiyasının icrası.