Cənubi Koreya “beyzbol ölçüsündə” olan PUA-ları aşkarlamaq üçün radar hazırlayıb

579 16:19 23 06 2021

Cənubi Koreya ordusuna qarşıdakı 6 ay ərzində çox kiçik PUA-ları aşkar edə bilən radarlar tədarük ediləcək.

Bu barədə ölkənin Müdafiə Satınalmaları İdarəsi (DAPA) məlumat yayıb.

Məlumatda qeyd olunur ki, radarlar hətta “beyzbol ölçüsündə” olan PUA-ları da aşkar edə biləcək. Radarların mənzili 8 kilometrdir.

Avadanlıqlar sınaqdan keçirilib və 30 sm ölçüsü olan PUA-ları aşkar etmək qabiliyyətini nümayiş etdirib. Sistem Cənubi Koreyanın "Daegu Gyeongbuk" Elm və Texnologiya İnstitutu tərəfindən hazırlanıb.

Sistem keçən il 4.3 milyon dollar müqavilə əsasında hazırlanıb və altı aylıq istehsal və yoxlama dövründən keçib.

Strategyvision.org

Teq: Cənubi-Koreya

Oxşar məqalələr