İtaliya Fransa ilə hərbi robot platformalarının inkişaf etdirilməsində əməkdaşlıq edəcək

İtaliya Fransa ilə hərbi robot platformalarının inkişaf etdirilməsində əməkdaşlıq edəcək
442     14:32     28 01 2022    
İtaliya hərbi robot platformalarının inkişaf etdirilməsində Fransanın “Nexter” şirkəti ilə əməkdaşlıq edəcək.

Beşillik proqramın üç məqsədi var: robototexnika sahəsində ən müasir vəziyyəti üzə çıxarmaq, mövcud platformalarla eksperimentlərə başlamaq və son müştərinin ehtiyaclarına uyğunlaşdırılmış avtonom robot sistemi üçün konsepsiya hazırlamaq.

Proqramın birinci ili üç mərhələdə baş tutacaq. 2022-ci ilin fevral ayında şirkət məsləhətləşmələr nəticəsində seçilmiş platformaların imkanlarını İtaliyanın texniki orqanlarına təqdim edəcək. Bunlara PUA və 5 tona qədər olan yüngül və ağır quru platformaları daxildir.

“Nexter” 2012-ci ildə “Nexter Robotics” şirkətini yaradıb və “Nerva” quru mikrorobotları yaratdıqdan sonra hərbi robototexnika sektorunda əsas oyunçu kimi tanınır. Bu modul tipli kəşfiyyat robotlarından 56-sı Fransa Müdafiə Təchizatları Agentliyinə (DGA) satılıb və onlardan bir neçə yüz ədədi də xarici ordular üçün istehsal edilib. Məsələn, Kanada 92 ədəd “Nerva” robotu sifariş edib.
Strategyvision.org

Teq: İtaliya   Fransa  


Oxşar məqalələr
Son əlavə olunanlar