Mərakeş müdafiə büdcəsini artırır və daha çox silah satınalması gözlənilir

Ölkənin müdafiə büdcəsi 2021-ci il müdafiə büdcəsinə görə 4,77% artırılıb.

Ölkənin müdafiə xərcləri gələn il 6.9 milyard dollar olacaq. Müdafiə büdcəsində silah satınalmalarına ayrılan xərclər əvvəlki illə müqayisədə artırılıb.

Müdafiə xərclərinin 2022-ci ildə ümumi xərclərin 17%-dən çoxunu təşkil edəcəyi gözlənilir.

Mərakeş hərbi imkanlarını F-16 “Fighting Falcon” qırıcıları ilə təkmilləşdirir və modernləşdirir.

Mətbuatda Mərekaşin Türkiyədən “Bayraktar TB2” zərbə PUA-ları almaq üçün danışıqlar apardığı qeyd olunur. Müşahidəçilər qarşıdakı ildə satınalmanın həyata keçirilə biləcəyini düşünür.

Mərakeş döyüş təyyarələrindən tutmuş təlim və tanklara qədər ən müasir silahlar və sursatlar da daxil olmaqla böyük silah müqavilələri imzalayıb. Ölkə, həmçinin sualtı qayıqlar, helikopterlər, döyüş təyyarələri, radar sistemləri və gəmilər daxil olmaqla gələcək satınalma planlarına malikdir.

Qabaqcıl silah sistemləri əldə etməklə yanaşı, Mərakeşin diplomatiyasını inkişaf etdirmək səyi Şimali Afrika ölkəsini bütün dünyada müdafiə şirkətləri üçün cəlbedici bazara çevirir.

Müdafiə ekspertlərinin fikrincə, Mərakeş Hərbi Hava Qüvvələrinin modernləşdirilməsi planları ABŞ və Türkiyə ilə bir sıra silah müqavilələri ilə nəticələnib. Eyni mənbəyə görə, sövdələşmələr Mərakeşin gizli silahlara, ABŞ PUA, dəqiq idarə olunan və lazerlə idarə olunan sursatlara çıxışını artırıb.

Stokholm Beynəlxalq Sülh Araşdırmaları Təşkilatının (SIPRI) məlumatına görə, 2005-2014-cü illər arasında Mərakeş Afrikada silah idxal edən ölkələr siyahısında üçüncü yerdədir.

Regional qeyri-sabitlik, Sahel bölgəsində artan gərginlik, eləcə də daimi terror hücumları təhlükəsi Mərakeşi 2022-ci ildə hərbi xərclərini artırmağa sövq edən əsas amillərdəndir.