Türkiyədə daha bir döyüş robotu istifadəyə verilib - BARKAN

Bu barədə Beynəlxalq Gələcək Əsgər Konfransına qatılan HAVELSAN rəsmisi Oktay Tuncer məlumat verib.

O, platformaların “aslan kimi meydanda” olduğunu bildirib.

Təhlükəsizlik qüvvələrinin ehtiyacları daxilində avtonom və robot sistemləri inkişaf etdirdiklərini qeyd edən Tuncer “Barkan”ın cənub-şərq və sərhəd bölgələri də daxil olmaqla bir çox bölgədə sınaqları uğurla həyata keçirdiyini vurğulayıb.

Türkiyə mətbuatının ölkənin müdafiə mənbələrindən əldə etdiyi məlumata görə, orta sinif çoxməqsədli platformalar olaraq xarakterizə olunan “Barkan” döyüş sahəsində aparılan sınaqlarda bütün tələblərə cavab verib.

HAVELSAN şirkəti tərəfindən istehsal edilən “Barkan” robotları uzaqdan idarə edilən silah sistemləri, elektro-optik sensorlar və bir çox rabitə sistemi ilə təchiz edilib. Robotlar PUA-larla birgə fəaliyyət göstərə bilir.