Türkiyədə robot itlər satışa çıxarılır – Onlar üzgüçülük tapşırıqlarını da yerinə yetirir?
“DPM Tech”in həmtəsisçiləri Kadir Nişasta və Mustafa Bekar jurnalistlərə verdikləri açıqlamalarında X20 modelinin işi və Türkiyədəki missiyası haqqında danışıblar.
Məhsulun satışa hazır olduğunu ifadə edən Nişasta qeyd edib:
“DPM Tech Advanced Technologies” şirkəti xüsusilə Türkiyə Silahlı Qüvvələrini Gücləndirmə Vəqfi (TSKGV) şirkətlərinin ehtiyaclarını qarşılamaq üçün təxminən il yarım əvvəl Teknopark Ankarada quruldu. Dörd ayaqlı robotlar dünyanın qabaqcıl texnologiyaları arasında çox maraqlı bir texnologiyadır.
Çin Xalq Respublikasından “Deep Robotics” şirkətinin Türkiyə təmsilçisi vəzifəsində çalışdıq. Məhsulları arasında ən qabaqcıl olan X20 modelini Türkiyəyə gətirdik. Bugünkü təqdimatımızda müştərilərimizə bu modelin imkanlarını izah edəcəyik. Bu robotlar ilkin və təcili yardım qruplarına kömək etmək üçün istehsal olunur.
Müxtəlif çətin mühitlərdə dırmaşma, üzgüçülük, pilləkənlərə qalxma və enmə kimi tapşırıqları yerinə yetirə biləcək. Axtarış və xilasetmə, logistika, enerji, sənaye tətbiqləri kimi fəaliyyətləri yerinə yetirə bilər. Bir sözlə, robot müxtəlif inteqrasiya proseslərindən sonra insanın görməsini istədiyiniz hər hansı bir işi görə bilər”.
Mustafa Bekar “DPM Tech” olaraq məhsulu Türkiyədə yayacaqlarını və inteqrasiya fəaliyyətlərini həyata keçirəcəklərini açıqlayıb.
İnteqrasiya fəaliyyətləri ilə bağlı bir neçə şirkətlə danışıqlar apardıqlarını bildirən Bekar bunları deyib:
“X20 robotu dəmir yolu sistemləri, avtomobil, nəqliyyat, logistika, xüsusilə də müdafiə sənayesi kimi sektorlarda fəal iştirak edir. Müştərinin tələblərinə uyğun olaraq Türkiyədə X20-nin müxtəlif inteqrasiya xidmətlərini həyata keçirəcəyik. Bu məsələ ilə bağlı bir neçə tərəfdaş şirkətlə danışıqlar aparırıq. Əgər heç bir tərəfdaş şirkətlə razılaşa bilməsək, bu inteqrasiya proseslərini “DPM Tech” olaraq öz strukturumuzda həyata keçirməyi hədəfləyirik”.
85 kq-a qədər yük daşıya bilir
Robot itin çəkisi 50 kiloqramdır və 85 kiloqrama qədər yük daşıya bilir. 4 saat yarım fasiləsiz doldurma müddəti olan X20 modeli 30 dərəcədən çox yamaclara qalxa, 15-20 sm pillələrlə yuxarı-aşağı enə, 50 sm boşluqlardan tullana və üzə bilər.
Robot it ilkin təqdimatda müxtəlif tapşırıqları yerinə yetirdi
Teknopark Ankarada keçirilən təqdimat “Deep Robotics” şirkəti nümayəndəsinin təqdimatı ilə başlayıb. Daha sonra X20 model robot it müxtəlif tapşırıqları yerinə yetirərək bacarıqlarını nümayiş etdirib.
X20 6 fərqli idarəetmə nöqtəsini avtonom olaraq müəyyən edərək, vaxtaşırı yeriyərək və qaçaraq əvvəlcədən öyrədilmiş kurs üzrə hərəkət edib.
Robot özünü yerimə rejimindən pilləkən rejimə dəyişib, pilləkənləri qalxıb və eyni şəkildə enməyi bacarıb. Son olaraq dərəli-təpəli ərazidə sınaqlarını həyata keçirən robot it satışa hazır hala gəlib. Almaq istəyənlər şirkətin internet saytına daxil olmalıdırlar.
Oxşar məqalələr
-
Dəniz platformalarında avtonom sistemlər
-
SZ yeriyən robot hazırlamağı bacardı: sıfırdan və 60 saniyədən az müddətdə...
-
Elektrik enerjisindən istifadə hər şeyi dəyişdi| İnsanabənzər robotların inkişafı
-
Gələcəyin açarı – “Xenobot”lar| Özünü çoxalda və bərpa edə bilən robotlar dünyanı ələ keçirəcək?
-
Avtonom hərbi platformalar bazarı: 2020-2025
-
BƏƏ şirkətindən sürü PUA-ları təqdimatı - HUNTER-2
-
Fransa ordusu dənizin dibini araşdırmaq üçün avtonom platformalardan istifadə edəcək
-
Avtomatik etiketləmə: təbliğat cizgisi xaricində süni zəka üçün dərc
Son əlavə olunanlar
-
ABŞ HDQ 1000 insanlı və insansız gəmidən ibarət hibrid donanma qura bilərmi?
-
Dəniz platformalarında avtonom sistemlər
-
Hibrid müharibə: Köhnə konsepsiya, yeni texnikalar "/>Hibrid müharibə: Köhnə konsepsiya, yeni texnikalar
-
Müharibədə nanotexnologiya
-
Nüvə müharibəsində kimsə qalib gələ bilərmi?
-
Qərb ictimaiyyətinin gözündə PUA zərbəsini “qanuni” edən nədir?
-
Kiber müharibə: Atrubusiyadan çəkindirməyə "/>Kiber müharibə: Atrubusiyadan çəkindirməyə
-
Hərbi tətbiqetmələrdə kvant mexanikası
-
Hərbi bazarda Süni Zəka
-
Hərbi tətbiqetmələrdə nanotexnologiya
-
Kibertəhlükəsizliyin tarixi
-
Süni Zəkanın tarixi
-
ABŞ HDQ qeyri-müntəzəm Baltik münaqişəsində: Rusiyanın hibrid müharibəsinə qarşı mübarizədə dəniz qüvvələrinin rolu
-
Rusiya kibermüharibədə cəbhəsində məğlubdur?
-
Kibertəhlükəsizlik
-
Qlobal müdafiə xəcləri
-
Nanotexnologiya anlayışı bu gün hansı mənanı ifadə edir?
-
SZ silahlanma yarışından kənarda durmaq seçimdir?