“Xiaomi” yeni robot itlərini təqdim edib

“Xiaomi” yeni robot itlərini təqdim edib
260     18:42     11 08 2021    
Çinin texnologiya sahəsində nəhəng şirkətlərindən olan “Xiaomi” yeni dörd ayaqlı robotlarını təqdim edib.

“Black Mirror” serialındakı robotları xatırladaq “CyberDog” (Kiber it) adlanan sistem 12 km/saat sürətlə hərəkət etməyi bacarır.

Robotun çəkisi 3 kiloqramdır və kameralar, sensorlar, GPS modulu və geniş bucaqlı gözlə təchiz olunub.

“CyberDog” Amerikanın “Nvidia” şirkətinin “Jetson Xavier” adlı Süni Zəka platformasında hazırlanıb. Platformada iki dərin öyrənmə sistemi var. 128 gb yaddaşı olan robot müxtəlif portallarla təchiz edilib.

Şirkət ilk partiyada 1000 ədəd istehsal etməyi planlaşdırır. Robotlardan birinin qiymətinin təxminən 1,540 ABŞ dolları olacağı bildirilir.

“Xiaomi” robotun hansı məqsədlə istifadə ediləcəyi barədə məlumat verməyib. Mətbuata açıqlamasında şirkət robotları sahibini təqib edəcək ev heyvanına bənzər yoldaş kimi təqdim edir. Robot səs əmrləri, uzaqdan idarəetmə və smartfon tətbiqindən istifadə edərək idarə edilə bilər.
Strategyvision.org
Oxşar məqalələr
Son əlavə olunanlar