Britaniya sürü PUA qabiliyyətini genişləndirəcək

Britaniya HHQ-nin komandanı Mayk Uinqston ölkənin bu qabiliyyəti üçün “futuristik və iddialı” viziona sahib olduğunu bildirib.

Uinqston bu günə qədər aparılan sınaqların sürü qabiliyyətinin potensialını göstərdiyini və Britaniya HHQ-nin bu potensialı genişləndirmək istədiyini qeyd edib.

“Sürü PUA-lar gələcəkdə bir araya gələn pilotlu, uzaqdan idarə olunan və avtonom platformaların qarışığının bir hissəsi olacaq. İngiltərə Hökuməti önümüzdəki dörd il ərzində 2 milyard funt sterlinq dəyərində investisiya yatıracaq”, - deyə o qeyd edib.

Yanvar ayında Britaniya 5 fərqli tipdə 20-dən çox PUA-nı sürü halında sınaqdan keçirib. Sınaqlar Britaniyanın Müdafiə Elmi və Texnologiyaları Laboratoriyası (Dstl) tərəfindən həyata keçirilib. Sınaqda istifadə olunan beş PUA "Ghost", "Ghost Modular", "Red Kite", "Cobra" və "Flat Pack" sistemləridir. Sınaqların uğurla başa çatdığı qeyd olunur.

2019-cu ildə Britaniya sürü texnologiyasını daha da inkişaf etdirmək üçün 2,5 milyon funt sterlinqlik investisiya yatırmağa qərar verib.