Artıq “Songar” kvadrakopterləri “Togan” döyüş sursatları ilə atəş açır - VİDEO

Sınaqlar zamanı PUA-dan “Togan” sursatları atılıb. Sursatların döyüş başlığı daşıdığı müşahidə edilib.

“Asisguard” tərəfindən hazırlanan “Songar” kvadrakopter tipli PUA-dır. Platformaya pulemyotlar və sursatların atılması üçün atıcı qurğular quraşdırıla bilər.

TÜBİTAK (SAGE) tərəfindən inkişaf etdirilən “Togan” 81 mm-lik NATO minaatanlarının ekvivalenti olaraq inkişaf etdirilib.


NATO-nun 81 mm-lik minaatanlarının ekvivalenti olaraq hazırlanan "Togan" sursatları döyüş təyyarələri və PUA-lara quraşdırılan xüsusi atışa nəzarət sistemi ilə atılır. Nisbətən ucuz havadan atılan sursatlar minaatanlarla yerdəki hədəflərə zərbələr endirməyə imkan verir.

Hava platformalarına inteqrasiya edilən atışa nəzarət sistemi 100 Hz-sürətində proqnozlaşdırılan trayektoriyanı hesablaya bilər. Bu şəkildə sursatın düşmə nöqtəsi dəqiq hesablanır.

- 81 mm minaatana inteqrasiya edilən dəqiq idarəetmə qabiliyyəti
- Türkiyə ordusunun hazırda istifadə etdiyi 81 mm minaatanlarla uyğundur
- Yerüstü missiya planlaşdırma qabiliyyətinə malikdir
- Əsasən piyada əleyhinədir
- 35 m məhvetmə radisuna sahbdir
- Dairəvi sapma ehtimalı 10 metrdən azdır

"Songar" Türkiyə Silahlı Qüvvələrinin inventarında atəş sabitləşdiricisinə və pulemyota malik ilk milli silahlı pilotsuz sistemdir. Beynəlxalq səviyyədə patentləşdirilmiş sabitləşmə sisteminə quraşdırılan pulemyot hər uçuşda 200 ədəd patron daşımaq gücünə malikdir. Asan daşınan və yerləşdirilə bilən "Songar" silahlı dron sistemi, yaxın hava dəstəyi təmin etmək üçün hazırlanan silah sistemidir. Dəyişən maqazin operatora tez bir zamanda silaha parton yükləməyə və vəzifələrini fasiləsiz davam etməyə imkan verir. Operatorun atəş əmri təsdiqlənənə qədər PUA vəzifəsini çoxqatlı təhlükəsizliklə avtonom şəkildə yerinə yetirir.

PUA-nın geri qayıtması, uçuş zamanı vəzifənin dəyişdirilməsi, əlaqənin itirilməsi və s. zamanı avtonom və uzaqdan idarəetmə rejimləri kimi funksiyalar, operator yükünü azaltmaq üçün nəzərdə tutulub. PUA erqonomik və istifadəçi dostu olan dizayna malikdir.

"Songar" aşağıdakı alt sistemlərə malikdir:

Çoxrotorlu dron platforması;
OASIS (Avtomatik atəş sabitləşdirmə sistemi);
DMT (Dron üzərində pulemyot);
YİS (Yerüstü idarəetmə stansiyası);
Hərbi əməliyyatlarda "Songar":
Məlum təhdidləri dərhal müdaxilə ilə ortadan qaldırır;
Hərbi obyektləri yaxın hava dəstəyi ilə qoruyur;
Hərbi karvanlar/nəqliyyat vasitələrinin təhdid zonasında mühafizəsini təmin edir;
Döyüş zamanı fərdi əsgər/manqa səviyyəsinin atəş məsafəsini artırır;
TSQ-nin daxili təhlükəsizlik əməliyyatlarında çoxməqsədli istifadəni təmin edir.

Texniki uçuş xüsusiyyətləri


Döyüş sursatı dəsti: 200 ədəd 5.56 çaplı (45 mm NATO) patronu;
Maksimum qalxma kütləsi: 45 kq;
Maksimum uçuş hündürlüyü: MSL 2800 m, AGL 400 m.

Ölçüləri:

Eni 145 sm (rotordan rotora qədər);
Hündürlüyü: 70 sm.

Avadanlıq və imkanları

İkiqat kamera sistemi:
Pilot kamerası (10 qat böyütməli);
Silah kamerası;
Planlaşdırma və yerüstü idarəetmə stansiyası;
Real vaxt rejimində video transferi;
Gecə-gündüz (sifarişlə) əməliyyat qabiliyyəti;
GPS və QLONASS-a uyğun naviqasiya xüsusiyyəti;
Vəzifə sonrası analiz üçün video və məlumatların yaddaşa yazılması.