“Skyborg”lar qırıcıların əvəzinə çox təhlükəli tapşırıqları yerinə yetirəcək - İkinci uçuş həyata keçirildi

Uçuş zamanı prototip “General Atomics” şirkətinin MQ-20 “Avenger” PUA-sını müstəqil şəkildə idarə edə bilib.

ABŞ Hərbi Hava Qüvvələri “Skyborg” çərçivəsində əldə olunacaq PUA ilə qırıcı pilotları üçün çox təhlükəli ola biləcək tapşırıqları yerinə yetirməyi planlaşdırır.

Sınaq uçuşu təxminən 2 saat yarım davam edib

ACS adlanan avtonom sistem PUA-nın effektiv şəkildə işləməsini təmin etmək üçün onun beyni rolunu oynayır və hava vasitəsinin insan müdaxiləsi olmadan fəaliyyət göstərməsini təmin edir. “Skyborg” PUA-ları ABŞ Hərbi Hava Qüvvələrinin F-35 və F-15EX kimi taktiki təyyarələri ilə birlikdə uçacaq.

Layhədə 3 şirkət - “Kratos” “General Atomics” və “Boeing” şirkətləri iştirak edir.

Qeyd edək ki, "Skyborg" döyüş təyyarələrini müşayiət etmək üçün zərbə tipli Pilotsuz Uçuş Aparatının inkişafını nəzərdə tutuan ABŞ Hərbi Hava Qüvvələrinin rəhbərlik etdiyi layihədir. 2020-ci ildə ABŞ ordusu layihədə iştirak etmələri üçün "Boeing", "General Atomics", "Kratos" və "Northrop Grumman" şirkətləri ilə müqavilələr imzalayıb.

29 sentyabr 2020-ci ildə ABŞ Hava Qüvvələri "Skyborg" prototipi üzərində işləmək üçün doqquz şirkətlə (AeroVirasion, Autonodyne LLC, BAE Systems, Blue Force Technologies, Fregata Systems LLC, Lockheed Martin, NextGen Aeronautic, Sierra Technical Services və Wichita State University) müqavilə bağlayıb. 21 dekabr 2020-ci ildə Kaliforniyanın Konkord şəhərində yerləşən "Voly Defence Solutions LLC" şirkəti də layihəyə əlavə edilib.