Rusiya “Sarma” adlı avtonom sualtı platformasını nümayiş etdirəcək

Platformanın maketi ilk dəfə 5-8 iyul tarixlərində Yekaterinburq şəhərində keçirilən "Innoprom - 2021" sərgisində "Almaz-Antey" konserninin stendində nümayiş olunacaq.

İstehsalçıların sözlərinə görə, “Sarma” yüksək dəqiqlikli naviqasiya avadanlığı, rabitə sistemi və geniş çeşidli alətlərlə təchiz edilib. Platdorma uzun müddət suyun altında qala bilər, modul dizaynı sayəsində yük daşımaq, axtarış və çoxsaylı digər işləri həll edə bilir.

Avtonom sualtı platformanın inkişafına 2018-ci ildə başlanıb. İstehsalçılar Qara dənizdən Barents dənizinə qədər müxtəlif şərtlərdə sınaqdan keçiriləcək üç prototip istehsal etməyi planlaşdırır. Platformanın sınaqları 2022-2023-cü illərdə keçiriləcək.

"Sarma"nın sualtı infrasturukturu və kommunikasiyaları qoruya, sualtı neft və qaz avadanlıqlarını idarə edə və batmış obyektləri axtara biləcəyi qeyd olunur.