“Boston Dynamics”in robot itləri döyüş ssenarilərində sınaqdan keçirilir - FOTOLAR

Bu barədə Fransanın hərbi məktəbinin (Écoles de formation des officiers de l'armée de Terre) “Twitter” səhifəsində məlumat yayılıb.

Bildirilir ki, robot itlər iki günlük təlimlər zamanı kəşfiyyat üçün istifadə edilib. Sınaqlar “döyüş sahəsinin robotlaşdırılması” kimi təsvir edilib.

Robotların gələcəkdə döyüş meydanında necə istifadə ediləcəyi hələlik bilinmir. Sınaqlar zamanı onun hansı məqsədlər üçün istifadə ediləcəyi qiymətləndirilib.

Sınaqlar zamanı “Spot” robotları ilə bağlı əsas problem onun batereyasının ömrünün az olması olub. Əsasən kəşfiyyat üçün istifadə edilən robotlar uzaqdan idarə edilir və güclü kameralarla təchiz edilib

Bununla yanaşı, sınaqlar zamanı Fransa ordusu Estoniyanın “Milrem Robotics” şirkəti tərəfindən istehsal edilən “OPTIO-X20” adlı silahlı və Fransanın “Nexter” şirkəti tərəfindən istehsal edilən “ULTRO” adlı təkərli robotlardan da istifadə edib.