Yüksək texnologiyada istifadəsi ilə seçilən bor mədənində ehtiyatların 73 faizi Türkiyəyə məxsusdur.

İran İkinci Qarabağ müharibəsindən sonra Cənubi Qafqazda tarazlığın dəyişməsini özünün milli təhlükəsizliyinə, eləcə də orta və uzunmüddətli perspektivdə geosiyasi və geoiqtisadi maraqlarına təhdid kimi qiymətləndirir. Buna uyğun olaraq, indiyə qədər bəzi siyasi, diplomatik və hərbi reflekslər inkişaf etdirib.

Tehran Azərbaycanla sərhədində son 30 ilin ən böyük hərbi təlimlərini keçirib. Bu miqyasına görə, 2021-ci ildə keçirilən “Xeybərin fatehləri” adlı hərbi təlimlərdən daha böyükdür. İranlı komandirlərdən birinin sözlərinə görə, təlimlər bütün İran-Azərbaycan sərədini əhatə edib. Təlimlərdə ponton körpülər vasitəsilə İran-Azərbaycan sərhədinin böyük hissəsini təşkil edən Araz çayından zirehli texnika və personal keçirilməsi sınaqdan keçirilib.

Fevralın 24-də Rusiyanın Ukraynaya qarşı başladığı əsassız işğal müharibəsi bir çox cəbhələrdə aparılır. Münaqişənin adi hərbi aspekti və informasiya müharibəsi ilə yanaşı, Rusiyanın indi Ukraynanın kənd təsərrüfatı mallarını və texnikalarını qanunsuz olaraq ələ keçirdiyi məlum olub. Ukrayna rəsmilərinin məlumatına görə, işğalçı qüvvələr artıq 400-500 min ton taxıl (təxminən 100 milyon dollar dəyərində) oğurlayıblar. Bundan əlavə, Rusiya donanması Ukrayna dəniz limanlarında gözləyən 90 milyon tondan çox taxıl ixracının qarşısını alır. Ukrayna iqtisadiyyatının mərkəzi sütunlarından biri və qlobal ərzaq təhlükəsizliyinin əsas dayağı olan Ukraynanın kənd təsərrüfatı sektoruna maksimum zərər vurmaq cəhdi ilə Rusiya iki əsas fəaliyyət kursunu həyata keçirir.

Rusiyalı şərhçilərin və rəsmilərin Qazaxıstanın Rusiyanın düşməninə çevrilməsi ilə bağlı fikirləri ölkələrinin Moskvanın növbəti təcavüz hədəfi ola biləcəyi ilə bağlı qazaxıstanlıları qorxudub və onları qəzəbləndirib. Qazaxıstanda çoxları düşünür ki, Rusiyaya düşmən olan onların ölkəsi deyil, Rusiya Qazaxıstanın düşməninə çevrilib. Uzun müddət Rusiyaya daha yaxın hesab edilən bu böyük Orta Asiya respublikasındakı bu cür diqqətəlayiq fikir dəyişikliyi orada bu yaxınlarda keçirilən küçə nümayişində daşınan lövhədə əks olunub. Plakatda sadəcə olaraq yazılmışdı: “Dünən Gürcüstan idi. Bu gün Ukraynadır. Sabah Qazaxıstan olacaq?”. Moskva Qazaxıstanın “ikinci Ukrayna” olma yolunda getdiyi barədə bəyanatlarla Qazaxıstanı qorxutmağa ümid edə bilər, lakin onun təxribat xarakterli ritorikası ikitərəfli münasibətlərdə əks təsir yarada bilər.

Rusiyanın Ukraynaya hücumu 1956-cı ildə İngiltərə və Fransanın Süveyş kampaniyasını xatırladır. İngiltərə və Fransanın alçaldıcı şəkildə geri çəkilməsi onların birinci dərəcəli güclər statusunun sona çatması, siyasi böhranların və müstəqillik hərəkatları üçün ərazi itirilməsinin çətin dövrünün başlanğıcı oldu.

Rusiya prezidenti Vladimir Putin fevralın 24-də səhər tezdən televiziya çıxışında Ukraynaya qarşı “xüsusi hərbi əməliyyat”a başladığını elan etdi. Müharibənin başlamasından 40 gündən artıq müddət keçib, Rusiya ciddi itkilər verib, Ukraynada minlərlə mülki şəxs həlak olub, infrasturuktur dağılıb. Bununla belə, Rusiya müharibənin əvvəlində qarşısına qoyduğu məqsədlərə demək olar ki, çatmayıb. Rusiya Federasiyası rəsmi müharibə elan etməsə də, Qara dənizin şimalındakı aqressiv əməliyyatları bu bölgəni müharibə zonasına çevirib, ruslar onlarla xarici ticarət gəmisini orada tələyə salıb və onların ekipajlarının həyatını riskə atıb.

Özbəkistan Rusiyanın Ukraynaya qarşı müharibəsində tərəf tutmamağı seçdi, bunu müharibə başlayanda Özbəkistan prezident administrasiyası ilk dəfə elan etdi və daha sonra Özbəkistanın Birləşmiş Millətlər Təşkilatının Ukraynaya müdaxiləni pisləyən qətnaməsinə səs verməkdən yayınması göstərdi. Neytral mövqe təkcə bütün dövlət məmurları tərəfindən deyil, həm də Özbəkistanda yeni yaranmaqda olan müstəqil media tərəfindən nümayiş etdirilib və nəşrlərində heç bir münaqişə tərəfinin yanında olmamaq “xahiş edilib”. Eyni zamanda, Daşkənd Ukraynadakı ağır humanitar vəziyyəti qəbul edir və ölkəyə tibbi ləvazimat göndərməklə öz dəstəyini nümayiş etdirir. Bütövlükdə, Daşkəndin Moskva ilə hazırkı əlaqələri böyük əhəmiyyət kəsb edir və bitərəf görünmək Daşkəndin Rusiya ilə münasibətləri pozmamasının yeganə yoludur.

Rus tanklarının Kiyevə doğru hərəkətə başlamasından etibarən Çin liderlərinin Kremlin müharibə planları barədə əvvəlcədən məlumatlı olub-olmaması ilə bağlı mübahisələr yaranıb. Rusiyanın Ukraynaya gözlənilməz hücumu ilə bağlı ABŞ-ın xəbərdarlığı geosiyasi hiylə kimi qiymətləndirildiyi üçün Çinin xarici siyasət ictimaiyyəti mat qalıb. Bununla belə, Çin-Rusiya strateji tərəfdaşlığının yüksək dərəcədə fərdiləşdirilmiş xarakterini nəzərə alsaq, (Prezident Si Cinpin 2013-cü ildən bəri həmkarı Vladimir Putinlə 38 dəfə görüşüb) yüksək rəhbərliyin müharibədən xəbərdar ola biləcəyi sirr deyil. Si Cinpin dövründə ABŞ ilə rəqabət gücləndikcə, Rusiya Çinin ən təsirli strateji tərəfdaşı kimi mövqeyini möhkəmləndirdi. Bununla belə, Çin, Putinin başlatdığı müharibənin və nəticədə beynəlxalq reaksiyanın Rusiyaya ciddi ziyan vurmasından narahatdır. Bəzi elitalar Rusiyanın qəddarlığını və birtərəfli təcavüzünü pisləyirlər, bu da Çinin əvvəllər dərk etdiyindən daha zəif və döyüşkən tərəfdaşa bağlı olmasından artan narahatlığı göstərir.