“Telegram” kanalında triumfalist yazılara əsaslansaq, Rusiyanın Ukraynaya müdaxiləsinin ilk həftəsonunun Çeçenistan rəhbəri Ramzan Kadırovun “qələbəsi” ilə başa çatdığını görərik. Fevralın 25-də, kütləvi döyüşlərin başlanmasının ertəsi günü o, Qroznıda Çeçenistan liderinə de-fakto sadiq olan yüksək təlim keçmiş təhlükəsizlik qüvvələrinin gücünü nümayiş etdirmək məqsədi daşıyan mitinqə liderlik edib. İddialara görə, respublikadan olan 10 000-dən çox adam Ukraynaya göndərilmək üçün “könüllü” olub. Kadırov, hətta Ukrayna prezidenti Volodimir Zelenskini Rusiya prezidenti Vladimir Putinin istəklərinə boyun əyməsə, əlavə 70 min hərbçi göndərəcəyi ilə hədələyib. Çeçenistanın baş müftisi Salah Mejiyev əməliyyatı “cihad” elan edib.

Nəqliyyatdan tutmuş axtarış-xilasetmə və zərbə missiyasına qədər hərbi funksiyalar üçün yaradılmış avtonom sistemlər bazarı sürətlə böyüməkdədir. 2021-ci ildə belə sistemlər yaradan dövlətlər siyahısına yeniləri qoşuldu. İraq və Əfqanıstanda ABŞ və Britaniya kimi dövlətlər bir neçə avtonom sistemi sınaqdan keçirsə də, yeni çıxan və ya artıq prototip mərhələsində olan bu hərbi sistemlər daha təcrübəli, məntiqli və daha avtonomdur.

14-18 noyabr tarixlərində Dubayda keçirilən aviaşouda Pilotsuz Uçuş Aparatları (PUA), xüsusilə zərbə tipli PUA-lar xüsusi diqqət çəkib.

Birləşmiş Ərəb Əmirlikləri və İsrailin dövlətə məxsus silah istehsalçıları Dubayda sualtı qayıqlara qarşı müharibə apara bilən insansız dəniz platformalarının birgə istehsalına dair strateji saziş imzalayıblar.

Bir çox döyüş bölgələrində özünü doğrultmuş “Bayraktar TB2” PUA-sı dünyanın bir çox yerindən diqqət çəkməyi bacarıb.

BƏƏ-nin “Edge Group” konqlomeratı bir sıra şaquli qalxan və enən PUA-lar, eləcə də dəqiq idarə olunan sursat sistemini təqdim edib.