Norveç “Camcopter” insansız helikoperlərinin sınaqlarını başa çatdırıb

Norveç “Camcopter” insansız helikoperlərinin sınaqlarını başa çatdırıb
255     15:12     07 12 2021    
Norveç Sahil Mühafizəsi tərəfindən istifadə ediləcək “Camcopter” S-100 insansız helikoperləri sınaqlardan uğurla keçib.

Platformaların istehsalçısı olan “Schiebel” şirkəti bildirib ki, S-100 Norveç Sahil Mühafizəsinə məxsus “KV Nordkapp” gəmisindən sınaqdan keçirilib. “Camcopter” Norveçin ərazi sularında həyata keçirilən sınaqları uğurla başa vurub.

Sınaqların əsas məqsədi Arktikanın ekoloji şəraitində 75 dərəcə şimal enliyində buraxılan S-100-ün axtarış-xilasetmə və dəniz müşahidəsi imkanlarının sınaqdan keçirilməsi olub. Norveçin şimalındakı maraqlarını davam etdirməyi hədəfləyən və Norveç Xarici İşlər Nazirliyi tərəfindən açıqlanan “Arktika 2030” proqramı çərçivəsində satın alınan platforma bir həftəlik sınaqlardan keçirilib.

S-100 pilotlu helikopterləri daha yüksək risk altında ola biləcəyi əlverişsiz hava şəraitində işləyə bilər. Bu kontekstdə insansız helikopter müəxtəlif elektro-oprik və infraqırmızı sistemlər, dəniz axtarış kameraları və bir sıra digər sensorlarla təchiz olunub.

Maksimum uçuş çəkisi 200 kiloqram olan S-100 6 saat havada qala bilir. Platforma xarici yanacaq çənləri ilə 10 saatdan çox uçuş həyata keçirə bilər. Saatda 220 kilometr sürətə çata bilən helikopterin maksimum əməliyyat hündürlüyü 5500 metrdir. 55 at gücünə malik “Diamond” mühərriki ilə işləyə bilən S-100 müxtəlif yükləri daşımaq üçün nəzərdə tutulub.
Strategyvision.org

Teq: Norveç   S-100  


Oxşar məqalələr
Son əlavə olunanlar