Britaniya SZ-ni hərbi raketlərə qarşı ilk dəfə sınaqdan keçirir

Britaniyanın “Royal Navy News” nəşri yazır ki, proqram İsveç və Norveç sahillərində baş tutan “Formidable Shield” təlimlərində dənizdə döyüş raketlərinə qarşı sınaqdan keçirilib.

3000-dən çox hərbi qulluqçunun iştirak etdiyi təlimlər NATO hərbi gəmilərinin gələn raketləri aşkarlamaq, izləmək və məhv etmək qabiliyyətini yoxlayır. Təlimlərdə Britaniya donanmasının üç döyüş gəmisi iştirak edir: “HMS Dragon” esminesi və “Lancaster” və “Agrill” freqatları.

Britaniya mətbuatı “Lancaster “və “Dragon”da Süni Zəka və maşın öyrənmə tətbiqetmələrinin sınaqdan keçirdiyini yazır. Britaniyanın “Dstl”, “Roke”, CGI və “BAE Systems” şirkətləri birlikdə hazırlanan “Startle” və “Sycoiea” sistemlərini sınaqdan keçirmək üçün üç həftəlik təlimdən yararlanırlar.

Süni zəka ilə təcrübələr əvvəllər aparılsa da, hərbi raketlərə qarşı ilk dəfə sınaqdan keçirilir.