Britaniya ordusu Süni Zəkanı əməliyyatlara cəlb edir - RƏSMİ

Britaniya Müdafiə Nazirliyinin məlumatına görə, hərbçilər Cabrit əməliyyatı çərçivəsində Süni Zəka alətlərindən istifadə ediblər.

Cabrit əməliyyatı, Fransız, Danimarka və Estoniya qüvvələri ilə birlikdə Avroatlantik təhlükəsizliyi gücləndirmək üçün keçirilən NATO təlimidir. Təlimlərdə Britaniya ordusu da iştirak edir. Hər il keçirilən NATO təlimi əsnasında əsgərlər tərəfindən canlı atəş təlimləri keçirmək üçün yeni texnologiya istifadə edilir.

Britaniya ordusunun informasiya məsələləri üzrə rəsmisi general Con Kol deyir ki, SZ-dən istifadə ordu üçün bir ilkdir: "Ordunun fəaliyyət göstərməsi üçün xüsusi olaraq hazırlanmış SZ sənayedə olan ortaqlarla sıx əməkdaşlıq üzərində qurulub. Buludda yerləşə bilən və ya müstəqil rejimdə işləyə biləcək bu SZ qabiliyyəti, əsgərlərə ani planlaşdırma dəstəyi təmin edərək, komanda və nəzarət proseslərini artıraraq vaxta və səylərə ciddir qənaət edir".

Nazirlik SZ texnologiyasının bulud vasitəsilə istifadə edilə və ya müstəqil rejimdə işləyə biləcəyini vurğulayıb.

SZ aləti ətraf mühit və ərazi barədə səmərəli məlumat vermək üçün kompleks məlumat kütlələrini sürətlə analiz edərək ordunun daha yaxşı planlaşdırmasına imkan yaradır.

Nazirlik önümüzdəki dörd il ərzində müdafiə tədqiqatları, SZ texnologiyası, kiber və kosmik sistemlər kimi sahələrə 6.6 milyard funt sterlinq investisiya yatırmaq niyyətindədir.