Pentaqonun ilk rəsmi kiber strategiya sənədinə QISA BAXIŞ

Sənəddə Pentaqonun kiber səyləri Çin və Rusiya üzərinə fokuslayacağı, kəşfiyyat materialları toplamaq və gələcək münaqişələrə hazırlaşmaq məqsədilə öz kiber qabiliyyətlərini istifadə edəcəyi qeyd edilib.

“Birləşmiş Ştatlar hərəkətsiz qala bilməz. Çin və Rusiya uzaq vədədə böyük risk meydana gətirmə potensialına malik kiber kampaniyalar həyata keçirir”, - deyə sənəddə deyilir.

Strategiyanın beş əsas prioriteti kimi aşağıdakılar müəyyənləşdirilib:

- Birgə qüvvələrin rəqabətli kiberfəza mühitində öz missiyasına nail ola biləcəyindən əmin olmaq;
- ABŞ ordusunun üstünlüklərini gücləndirəcək kiberməkan əməliyyatları həyata keçirməklə birgə qüvvələri möhkəmləndirmək;
- ABŞ-ın vacib infrastrukturunu təklikdə yaxud kampaniyanın tərkib hissəsi olan və ciddi kiber insident meydana gətirə biləcək kiber aktivlikdən qorumaq;
- Pentaqonun informasiya və sistemlərini, həmçinin Pentaqonun olmayan şəbəkələrdəki Pentaqona məxsus məlumatların təhlükəsizliyini təmin etmək;
- Agentliklər, sənaye və beynəlxalq partnyorlar arasında Pentaqonun kiber əməliyyatlarını genişləndirmək.