Süni Zəka Hindistan Silahlı Qüvvələrinə necə kömək edə bilər?

Bəzi hind hərbi ekspertləri süni zəkanın istifadə edilməsi ilə Hindistan silahlı qüvvələri üçün avtonom silah sistemləri və ya “qatil robotlar” hazırlamaq iddiasındadır.

Söhbət insanı sərbəst şəkildə hədəf alaraq məhv etməyə qadir olan sistemlərdən gedir. Lakin bundan öncə süni zəkanın orduda istifadəsi silahlı qüvvələrin logsitika və təchizat zəncirinin idarə olunmasını asanlaşa bilər.

İkincisi kiber əməliyyatlardır. Kiber müharibənin daha sürətli, təkmil və təhlükəli hal aldığı bir vaxtda müdafiə və hücum yönümlü kibermüharibə qabiliyyətlərinin inkişafı zəruri olmağa başlayıb. Bu mənada xüsusi təlim görmüş süni zəka sistemləri bu kimi məsələlərdə insanlardan daha səmərəli nəticə əldə edə bilər.

Ən son olaraq süni zəkanın faydalı ola biləcəyi sahə kimi isə kəşfiyyat, nəzarət və tədqiqat (KNT) göstərilir. Bu, artıq ABŞ, Çin kimi bir neçə dövlət tərəfindən praktikada istifadə edilməyə başlanıb. KNT tapşırığı iki müxtəlif formada aparıla bilər. Birincisi süni zəkanın PUA-larda pilotsuz hava, quru və dəniz aparatlarında istifadəsi, ikincisi isə məlumat analizi və interpretasiyasıdır. Belə ki, süni zəka sistemləri şübhəli davranışları daha dəqiq aşkarlaya və buna uyğun nəticə çıxarıb tədbir görə bilər.