Pentaqon yeni rəqəmsal və Süni Zəka ofisi yaradır

Pentaqon yeni rəqəmsal və Süni Zəka ofisi yaradır
241     15:52     09 12 2021    
ABŞ Müdafiə Nazirliyi rəqəmsal və Süni Zəka (SZ) fəaliyyətlərinə nəzarət etmək üçün yeni ofis yaradır.

Yeni ofis bu sahələrdə daha sürətli irəliləyiş əldə edə və Çindən gələn təhlükələrə cavab verə bilər.

Rəqəmsal və SZ üzrə yeni ofis birbaşa Pentaqon rəhbərinin müavininə hesabat verəcək və Birgə Süni Zəka Mərkəzinə, Müdafiə Rəqəmsal Xidmətinə və Müdafiə Nazirliyinin baş informasiya zabitinə nəzarət edəcək. Bu idarələr birbaşa müdafiə nazirinin müavininə tabedir.

Rəsmi bu yeni vəzifənin daha çox bürokratiya yaratmaq üçün nəzərdə tutulmadığını, əksinə bu əlaqəli funksional sahələr üzrə prioritetləri daha yaxşı idarə etmək üçün inteqrasiya funksiyası kimi xidmət etdiyini bildirib.

Bu təşkilata kimin rəhbərlik edəcəyi bəlli deyil, lakin yüksək rütbəli məmur departamentin həm Pentaqonun içərisinə, həm də xaricinə baxdığını bildirib. Məqsəd 2022-ci il fevralın 1-dək ofis üçün ilkin əməliyyat qabiliyyətinin yaradılması və 1 iyun 2022-ci il tarixindən gec olmayaraq tam fəaliyyət qabiliyyətinə çatmaqdır.
Strategyvision.org

Teq: Süni-Zəka   ABŞ  


Oxşar məqalələr
Son əlavə olunanlar