Türkiyədə Süni Zəka Platforması yaradılacaq

Türkiyədə Süni Zəka Platforması yaradılacaq
241     12:28     16 09 2021    
Türkiyənin Müdafiə Sənayesi Komitəsinin tərkibində Süni Zəka (SZ) Platforması yaradılacaq.

Bu barədə Komitənin sədri İsmayıl Dəmir məlumat verib.

O qeyd edib ki, platformanın məqsədi SZ sahəsində işləri sürətləndirmək və onu daha məhsuldar etməkdir.

“Süni Zəka Platformasını ən qısa müddətdə istifadəyə verməyi planlaşdırırıq”, - deyə Dəmir qeyd edib.

Yeni platformanın yaradılması Türkiyənin Milli Süni Zəka Strategiyası (2021-2025) sənədində nəzərdə tutulub. Ölkənin Rəqəmsal İnkişaf Ofisi Rəhbərliyi və Sənaye və Texnologiya Nazirliyi tərəfindən 11-ci İnkişaf Planı və 2021-ci il üçün İllik Proqrama uyğun olaraq hazırlanan sənəd Türkiyənin Süni Zəka (SZ) sahəsində 2025-ci ilə qədər həyata keçirəcəyi işlərin yol xəritəsidir.

Strategiyanın prioritetləri və bu çərçivədəki məqsəd və tədbirlər “Rəqəmsal Türkiyə” və “Milli Texnologiya Hərəkatı” vizyonları çərçivəsində müəyyən edilib.
Strategyvision.org
Oxşar məqalələr
Son əlavə olunanlar