ABŞ donanması insansız sistemlərə Süni Zəka yerləşdirmək niyyətindədir

ABŞ 5-ci donanmanın tərkibində olan 59-cu İşçi Qrupu təkcə hərbi mütəxəssisləri deyil, həm də xarici təşkilatların mütəxəssislərini SZ-nin inkişafına cəlb etməyi planlaşdırır.

Donanmanın Mərkəzi Komandanlığının komandanı, vitse-admiral Bred Kupr SZ qrupunun yaradılmasını şərh edərkən bildirib ki, bu, insansız platformaların köməyi ilə hücuma keçməyə hazırlaşmaq üçün nəzərdə tutulub. ABŞ-ın ən fəal iştirakı ilə 2022-ci ildə keçiriləcək beynəlxalq dəniz təlimləri zamanı yeni işçi qrupunun SZ ilə bağlı işlərinin nəticələrinə artıq cəlb olunacağı planlaşdırılır.

ABŞ Hərbi Dəniz Qüvvələri həm hava, həm də dənizdəki insanlı və insasız sistemlərin ən aktiv qarşılıqlı təsirini əhatə edən strategiyanın həyata keçirilməsinin tərəfdarıdır. Ancaq ABŞ Konqresində hələ də SZ sahəsindəki təcrübələrə müəyyən qədər inamsızlıq var.

Eyni zamanda, əsas SZ hazırlanması zamanı yalnız potensial düşmənlə deyil, pis hava şəraiti kimi ciddi maneələrlə də mübarizə aparılmasına diqqət yetiriləcək.