İsrail SZ ilə təchiz edilən raket sistemini təqdim edəcək

2021-ci ilin iyununda təqdim edilən “Sea Breaker” yüksək qiymətli dəniz və quru hədəflərinə qarşı əhəmiyyətli hücum performansı təmin edən 5-ci nəsil uzun mənzilli avtonom dəqiq idarə olunan raket sistemidir. Sistem qlobal müdafiə sərgisində və ya İsrail xaricində ilk dəfə nümayiş olunur.

Şirkət sərgidə, həmçinin NGCV-S adlı yeni nəsil döyüş vasitələri paketini də təqdim edəcək. Sistemlər döyüş maşınlarının qorunmasını və gücünü artırmaq üçün nəzərdə tutulub. Bir sıra sensorlar və kameralar vəziyyət haqqında tam məlumatlılıq təmin edir, avtomatik hədəf tanıma təhlükənin aşkarlanmasına və identifikasiyasına imkan verir və video idarəetmə sistemi ekipaj üzvlərinin qapalı kabində tam qorunmasını təmin edir. Şirkət bu sistemlərin də SZ texnologiyası ilə təchiz edildiyini bildirir.

“Rafael” şirkəti sərgidə düşmən PUA-larına qarşı bütün hava şəraitində 360 dərəcə sürətli müdafiə təmin edən “Drone Dome” antidron sistemini, 5-ci nəsil “Spike” raketlərini, “Trophy” aktiv müdafiə sistemini və digər məhsullarını nümayiş etdirəcək.


“Sea Breaker” raketi gəmilərdən və quru əsaslı atıcı qurğulardan buraxılaraq hədəflərini dəqiqliklə vurmaq qabiliyyətinə malikdir. Dörd metr uzunluğundakı raketin çəkisi 400 kiloqramdan azdır və hədəfinə doğru yüksək sürətlə uçur. İnfraqırmızı cihazlar və avtomatik hədəf tanıma qabiliyyətləri ilə həm gündüz, həm gecə, həm də hər cür hava şəraitində istifadə oluna bilər.

Raketdən dənizdən dənizə, qurudan dənizə və ya qurudan quruya missiyaları daxil olmaqla yüksək dəyərli hədəflərə qarşı müxtəlif məqsədlər üçün istifadə edilə bilər.

Raketin hazırlanması zamanı şirkət “Spike NLOS” tank əleyhinə raket sistemlərini əsas götürüb.

Taktiki-Texniki Xüsusiyyətləri:

Uzunluğu: 4 metr
Çəkisi: 400 Kq
Mənzili: 300 km-ə qədər
Döyüş başlığı: 113 Kq