İsrail Qəzza toqquşmaları zamanı SZ ilə idarə olunan PUA “sürü”lərindən istifadə edib

11 günlük qarşıdurma zamanı istifadə edilən “sürü”lər Süni Zəka (SZ) sistemləri ilə idarə olunub. Nəşr yazır ki, bu müharibə tarixində bir ilkdir.

Qeyd olunur ki, “sürü”nün daxilində olan PUA-lar ayrı-ayrı operatorlar tərəfindən idarə olunub, lakin onların SZ-dən istifadə edərək şəbəkələşmiş formada uçması təşkil edilib.

PUA “sürü”ləri müharibədə yeni texnologiyanın növbəti mərhələsi kimi xarakterizə olunur. “Sürü” texnologiyası ABŞ, Çin və İran kimi dövlətlər də daxil olmaqla bir çox aktorlar tərəfindən sınaqdan keçirilib. PUA-lar SZ-nin köməyi ilə bir-biriləri ilə rabitə yarada və birgə fəaliyyət göstərə bilər.