Rusiya və Ukrayna arasındakı müharibə Rusiyanın sanksiyalara cavab vermək üçün kiberhücumlardan istifadə edə biləcəyi, münaqişə və onun nəticələrinin Rusiyanın kiberməkanda strategiyasını necə yenidən formalaşdıra biləcəyi ilə bağlı beynəlxalq narahatlıqlara kifayət qədər diqqət çəkib. Həmin debatlarda mərkəzi istinad nöqtəsi Şimali Koreyadır, bu dövlət uzun müddətdir kiber münaqişələrdə həm iqtisadi, həm də siyasi motivləri qarışdıran, girov ziyanı və ya gözlənilməz nəticələr üçün az narahatlıq göstərən hücumlarla mürəkkəb təcavüzkar hesab olunur. “Truesec” təhlükəsizlik firmasının son təhdid kəşfiyyatı hesabatında belə bir fərziyyə irəli sürülür ki, Rusiyaya qarşı sanksiyalar onun “təcrid olunmuş yaramaz dövlət” kimi fəaliyyət göstərməsinə səbəb ola bilər. Onlar hücum kiber strategiyasını daha çox Şimali Koreya ilə uyğunlaşdıra, pul oğurlamaq üçün kiberhücumlardan, eləcə də kəşfiyyat məlumatlarından istifadə edə bilərlər.

Vladimir Putinin Ukraynadakı müharibəsi fonunda saysız-hesabsız milli təhlükəsizlik analitikləri və kibertəhlükəsizlik ekspertləri Rusiyanın ABŞ infrastrukturuna artan kiberhücumlarının təhlükələri barədə xəbərdarlıq edirlər. Rusdilli kiber aktorlarla Şimali Koreya hökuməti arasındakı əlaqələr məlumdur. Martın 22-də ABŞ-ın milli təhlükəsizlik üzrə müşaviri Cayk Sallivan bildirib ki, Şimali Koreyanın kiber imkanları dünyada özünü büruzə verdi və onlar Rusiya kibercinayətkarları da daxil olmaqla, bütün dünyada hər cür kibercinayətkarlarla işləyirlər. Sallivanın bəyanatı təsdiq edir ki, Rusiyanın gizli kibercinayətkarlar şəbəkəsi ağır beynəlxalq sanksiyalardan yan keçmək və Kim Çen Inın xəzinəsini gücləndirmək üçün kiber fəaliyyətlərdən istifadə edən Şimali Koreya hökumətində müttəfiqlər tapıb.

Yaponiya Nazirlər Kabinetinin sonuncu iclasında kiber təhdidlər problemi, həmçinin onlara qarşı mübarizə tədbirləri müzakirə edilib.

Başlıqda qeyd olunan termin bəzi publisistlər tərəfindən rəqib geosiyasi qüvvələr arasında olan yeni siyasi və hərbi gərginliyi izah etmək üçün istifadə olunur. Hesab edilir ki, bir bloku Rusiya və Çin təmsil edir, digər bloku isə ABŞ, Ukrayna, Aİ və NATO. Bu, Birinci Soyuq Müharibəyə - ABŞ-ın başçılıq etdiyi Qərb bloku ilə Sovet İttifaqının başçılıq etdiyi Şərq bloku arasındakı qarşıdurmaya bənzəyir. İkinci Soyuq Müharibənin formal səbəbi 2013-2014-cü illərdə Ukraynadakı siyasi böhran idi. Qərbdə bu termin əvvəllər Soyuq Müharibənin ikinci mərhələsinə, yəni 1979-1989-cu illər hadisələrinə aid edilirdi.

Avstraliyanın sakit paytaxtının kənarında yerləşən Kanberra beynəlxalq hava limanında hər yerdə Avstraliyanın hərbi quruculuğu ilə bağlı reklam lövhələrinə şahidlik edə bilərsiniz. Demək olar ki, bütün reklam tablolarında dünyanın müdafiə sənayesi nəhəngləri olan “Raytheon”, “BAE Systems”, “Lockheed Martin” və “ThyssenKrupp” korporasiyalarının adlarına rast gələ bilərsiniz. Hətta bununla bağlı olaraq yerli bir sıra vətəndaş cəmiyyətləri hava limanında “Hava limanındakı silah reklamlarına yox deyək” kampaniyası start veriblər.