ABŞ-İordaniya insansız sistemlər və SZ texnologiyasını inteqrasiya edir

ABŞ Hərbi Dəniz Qüvvələri Mərkəzi Komandanlığı (NAVCENT) İordaniya Hərbi Dəniz Qüvvələrinin rəhbərinə ABŞ-ın 5-ci Donanmasının yeni insansız sistemlərin inteqrasiyası üzrə səyləri barədə məlumat verib.

Səfər ABŞ 5-ci Donanmasının səylərini insansız sistemlər və SZ texnologiyasının
inteqrasiyasına yönəltmək üçün sentyabr ayında yeni insansız işçi qrupunun yaradılmasından sonra ABŞ-ın bu sahədə İordaniya ilə tərəfdaşlıq öhdəliyinə işarə edir.

İordaniyanın Aqaba şəhərində yerləşən Kral İordaniya hərbi dəniz bazası gələn ay Qırmızı dənizdə “Saildrone” insansız dəniz platformalarının əməliyyatları üçün ortaq mərkəzə çevriləcək. Birləşmiş Ştatlar və İordaniya regional dəniz təhlükəsizliyi və sabitliyinin qorunmasında güclü ikitərəfli tərəfdaşlığa malikdir.

“Saildrone” 23 fut uzunluğunda, 16 fut hündürlüyündə olan insansız dəniz platformasıdır, hərəkət üçün külək enerjisindən asılıdır. Platformada dəniz mühitini izləmək üçün günəş enerjisi ilə işləyən sensorlar paketi var.

Yaxın Şərq regionunun unikal coğrafiyası, iqlimi və strateji əhəmiyyəti çoxtərəfli əməkdaşlıq vasitəsilə insansız innovasiyalar üçün ideal mühit təklif edir. Əraziyə dünyanın ən böyük daimi dəniz tərəfdaşlığı, Ərəb körfəzi, Qırmızı dəniz, Oman körfəzi və Hind okeanının hissələri daxildir.

İşçi qrupu sentyabrın 9-da rəsmi olaraq fəaliyyətə başlayıb və o vaxtdan etibarən bölgədəki yeni SZ və maşın öyrənmə vasitələrinin, eləcə də kommersiya robotlarının köməyi ilə məlumat toplamağa başlayıb. Nümunə olaraq, işçi qrupu V quyruqlu “Martin” PUA-larından istifadə edir. İşçi qrupunun SZ texnologiyası çox sayda sensordan alınan məlumatları birləşdirə və donanma komandirləri üçün istifadə edilə bilən vəziyyətə gətirə bilər.