Aİ kibermüharibə üçün sürətli reaksiya qüvvələri yaradır

“Politico” nəşri qeyd edir ki, Avropa Komissiyası çərşənbə günü kiberhücumlara məruz qalan dövlətlərə kömək etmək üçün nəzərdə tutulan planı təqdim edəcək.

Layihəyə görə, hakerlərlə real vaxtda mübarizə aparılmalıdır.

Qeyd edək ki, xüsusilə COVID-19 pandemiyası dövründə Avropada kiberhücumların sayı artıb. Avropanın özünü və ya ticarət sirlərini düşmənlərə qarşı qoruya bilməməsi narahatlığa səbəb olub.

Plana əsasən, kibercinayətlərlə mübarizə aparmaq üçün polis, kiber agentliklər, diplomatlar, hərbi xidmətlər və kibertəhlükəsizlik şirkətləri arasında cavab tədbirlərini əlaqələndirmək və mənbələri paylaşmaq üçün platforma qurulacaq. Layihədə kibertəhdidlərlə bağlı müntəzəm hesabatların hazırlanması nəzərdə tutulub.

Qeyd etmək lazımdır ki, Avropada “kiber xüsusi təyinatlıları” yaratmaq planları çoxdan hazırlanır və əvvəllər elan edilmiş niyyətlərə uyğun olaraq, bu, 2019-cu ildə həyata keçirilməli idi. Lakin Avropa Komissiyası nümayəndələrinin qeyd etdiyi kimi, bu layihənin bütün detallarını yekunlaşdırmaq əvvəldən göründüyündən daha çox vaxt aparır.