Müharibədə asimmetriya yeni bir fenomen deyil. Tarixi olaraq müxtəlif hallarda müharibə edən dövlətlərin nisbi hərbi gücündə və strategiyasında ciddi fərqliliklərin olması müşahidə edilib. Lakin 11 sentyabrdan sonra (ABŞ-dakı terror hücumları) xüsusilə dövlət və qeyri-dövlət aktorları arasındakı müharibələr zamanı müharibənin özünün və təbiətinin dəyişdiyi müşahidə edilib. İstər partizan müharibəsi olsun, istərsə də terror, ya da qeyri-nizami müharibə və ya müharibənin hər hansı digər formaları, qeyri-ənənəvi vasitələr və taktikaların istifadəsi qeyri-dövlət qurumlarınınkı ilə sinonimləşdirilərək istifadə olunur. Bütün bunlar qeyri-dövlət aktorunun qeyri-mütənasib effekt əldə etmək üçün dövlətin zəifliklərini hədəf alan asimmetrik metodlardan istifadə etdiyi müharibəyə gətirib çıxarır.

Kibertəhlükəsizlik - sistemlərin, şəbəkələrin və proqram təminatlarının rəqəmsal hücumlardan qorunması üçün tədbirlərin həyata keçirilməsidir. Bu cür hücumlar adətən gizli məlumatlara giriş əldə etmək, onu dəyişdirmək, məhv etmək, istifadəçilərdən vəsait əldə etmək, təşkilat və ya şirkətlərin normal fəaliyyətini pozmaq məqsədilə həyata keçirilir.

Bu yazıda “kiber imkanlar” və “kiber əməliyyatlar” terminləri “kiber məkan imkanları” və “kiber məkan əməliyyatları” terminləri ilə sinonim kimi istifadə olunur. “Kiber domeyn”ə xüsusilə kiber məkanda hərbi əməliyyatlar üçün bir məkan olaraq istinad edilməsinə baxmayaq, “kiber məkan” və “kiber domeyn” konsepsiyaları oxşar şəkildə istifadə olunur. Bu araşdırmada Kompüter İnsidentlərinə Cavab Bacarığı (CIRC) “kompüter təhlükəsizliyi ilə əlaqəli hadisələrə cavab vermək məqsədilə yaradılmış bir qabiliyyət” olaraq təyin edilir və aşağıdakılarla sinonim kimi istifadə edilir: Kompüter Təcili Müdaxilə Komandası (CERT), Kompüter İnsidentinə Müdaxilə Qrupu (CIRT).

Fəlsəfə bizi suallar verməyə istiqamətləndirdiyi halda, analitik yanaşma ilə bu suallara cavab axtarmaq “Avtonomiya” kimi çox mücərrəd bir anlayışı da müəyyən dərəcədə təcəssüm etdirməyə kömək edir. Bir çox sistemlərdə olduğu kimi, cavablar əvvəlcə problemin mənbəyində, yəni təbiətdəki sistemlərdə axtarılır. Bu baxımdan avtonom sistemlərlə bağlı tədqiqatlar təbiətdən ilham alınaraq hazırlanan sistemlər kimi qiymətləndirilə bilər.

Müharibədə istifadə edilən nanotexnologiya molekulyar sistemlərin nano miqyasda (1-100 nm) uyğun şəkildə dizayn edildiyi, istehsal edildiyi və yaradıldığı nanoelm sahəsidir. Bu cür texnologiyanın, xüsusən də müharibə və müdafiə sahəsində tətbiqi silahlanma kontekstində gələcək tədqiqatların aparılmasına imkan yaradıb. Nanotexnologiya materialşünaslıq, kimya, fizika, biologiya və mühəndislik daxil olmaqla müxtəlif elmi sahələri özündə birləşdirir.

Kvant mexanikası elmi fiziki dəyişikliklər edib, klassik fizika qanunları ilə izah edilə bilməyən hadisələri araşdırıb. Bu disiplin XX əsrin əvvəllərində atomların, fotonların və maddə və sahə zərrəciklərinin davranışlarını və kainatın yaranmasını araşdıran işıq və istilik təbiətinə dair araşdırmalar nəticəsində ortaya çıxıb.